بابک قالاسینین ماهنیسی

بابک قالاسینین ماهنی سی

اولا بوزقوردوم اولا
اولا سن،
اوْد نفسين داغلارادوشسون. تيترسين يئر؛
بو اومودسوز گئجه نين سون ايشيغيندا،
يئر گويه، ولوه له دوشسون.

هايدي بوزقوردوم اولا
چك حقارت اته يين دارماداغين سال؛
چيينه يالتاقليق ائدن ديللري سن.
بوردا تولكو،
بوردا ايت،
بوردا چاققال بالالير.
بوردا توركم دييه ني،
فارس دالايير.

اولا بوزقوردوم اولا
بوردا حسرت گئجه نين سوْن چيراغي،
سؤنمه ميشدن سن اولا.
مرد ايگيدلر ياتيب آنجاق
قوْي آييلا،
گؤره نامرد گؤزون خور باخاراق ناموسونا؛
گؤره بير ميلتينين طالعيني

هايدي بوزقوردوم اولا
مئشه لر بيرده آييلسين؛
تئشه لر بيرده اتيلسين.
داغلارين كوكسونه باس سن هارايي،
پاتلاسين نيفرته دولموش اوره يي.
اؤزگه لر دامغاسيني،
گؤرمه سينلر به به لر؛
ده ده لر بيرده آييلسا،
هه ده لر.
بوردا اوزگورلويو سسله ينين،
بوغولوبدور هارايي؛
داغيليبدير اوره يي؛
آلينيبدير چوره يي؛
ديكيليبدير دوداغي؛
ساراليبدير بوداغي.
هايدي بوزقوردوم اولا؛
الي تيترر،
آلني تر،
يئتر آخر بو حقارت.
مني آل كوكسونه باخ گؤزلريمه
مني ديندير او جسارت باخاراق مرد ايگيد گؤزلرينه


اولا بوزقوردوم اولا؛
اوْلارام منده سنين تك.
اولارام منده سنين تك.
آ…….….……...و.………….…..ع.