مقاله ای از صمد نیکنام در مورد حفظ حرکت ملی

آذربايجان ميللي دئموکراتيک هرکاتيني فارس فاشيستلري نين فيتنه سيندن قوروياق! - صمد نيکنام
مشروطه هرکاتي نين تجروبه لريندن!
آذربايجان ميلتي نين کئچن ۱۰۰ ايلده آپارديغي موباريزه سي نين نتيجه سيز قالماسي و بير-بيري نين آردينجا يئنيلمه سي نين سببي ندير؟ بو يئنيلمه سورجي نه واختا قدر دوام ائده جک؟ هرکاتيميزي قلبه يه دوغرو آپاران يول هانسيدير ؟
بو گونه قدر خياللاريميزدا جانلانديرديغيميز قهرمانليق اوبرازلاري نين کؤلگه سينده مورگوله ديگيميزه گؤره، بو سواللارين حاقيقي جاوابيني آختارماميشيق و نتيجه ده بو سواللارين هاميسي جاوابسيز قاليب. تاريخيميزده يول وئرديگيميز سهولرين ندن عيبارت اولدوغونو موزاکيره ائتمه ميشيک و نتيجه چيخارتماميشيق. ميثال اوچون، مشروطه دئييب باغيرديق و آرا-سيرا اونونلا فخر ائتديک، آما فيکيرلشمه ديک کي، نه ايدي بو مشروطه هرکاتي و نتيجه سي نه اولدو. بو هرکات آذربايجان ميلتينه نه وئردي ؟ بلکه، ائله بوتون مغلوبيتلرين کؤکو اورادان باشلانير. بو هرکاتين نظريييه سي و فلسفه سي ندن عيبارت ايدي ؟ بو هرکاتي کيم باشلادي و کيمه قارشي باشلادي ؟
سواللار چوخ اولسا دا، بو هرکاتين نتيجه لريندن اولان بير مسئثله ني وورغولاماق ايسترديم، او دا بوندان عيبارتدير کي، مشروطه هرکاتيندا قاجارلاري اؤزوموز دئويرديک و حاکيميتي فارسلارا تهويل وئرديک، بيزيم قلبه ميز بوندان عيبارت ايدي.
بو “قلبه” آذربايجان ميلتينه ضربه وورماق اوچون فورصت آختارانلارين حاکيميته گلمه سينه شرايط ياراتدي. آذربايجان ميلتينه ضربه ووراراق تورکلري حاکيميتدن اوزاقلاشديرماغي بير-بيرينه نسيلدن-نسله وصيت ائدن قواموسسلتنه نين اولو باباسي ميرزه محمد قوام الدوله، آتاسي ميرزه ابراهيم معتمد الدوله و بؤووک قارداشي ميرزه حسن وثوق الدوله و نهايت دؤردونجو نسيل احمد قوام السلطنه يه تاپشيريلميشدي. مشروطه اينقيلابي فارس طايفا باشچيلاري نين وصيتي نين حياتا کئچمه سينه ايمکان ياراتدي. بئله ليکله، قوامين اولو باباسي نين وصيتي حياتا کئچدي.
سيد ضيانين حربي چئوريليشيندن سونرا قوام السلطنه زينداندايکن، باش نازير تعيين اولونور. زينداندان بيرباشا فرح آبادا احمد شاهين قبولونا گئدير و احمد شاها دئيير : “منه لازيمي صلاحيتلر وئرين آرا قاريشديرانلارين کؤکونو کسيم”.
احمد شاه قوامين جاوابيندا دئيير : “چوخ دانيشما، سيزين آغينيزا دا لعنت، قارانيزا دا”. (آغدان منظورو قوام السلطنه، قارادان ايسه سيد ضيا ايدي).
احمد شاه قوام السلطنه نين گئنيش صلاحيت ايستمه سي نين معناسيني باشا دوشسه ده، اليندن لعنتله مکدن باشقا بير ايش گلميردي. چونکي آرخاسي بوش ايدي. تورکلر مشروطه هرکاتيندا بير-بيرينه قارشي دؤيوشموش و گوجدن دوشموشدولر. تورکلرين زيف دوشمه سي نتيجه سينده باش قالديرميش فارسلار آرتيق شاهدان گئنيش صلاحيت طلب ائديرديلر.
دوزدور، قاجار حاکيميتي شاهليق اوصول-ايداره سي اوزرينده قورولموشدو و اؤلکه ده ايجتيماي عدالتسيزليک حؤکم سوروردو، لاکين نظره آلساق کي، قاجارلاري دئويرن مشروطه چيلرين ده ايجراسي مومکون اولان هئچ بير سوسيال-سياسي ايصلاحات پروقرامي يوخ ايدي، اوندا قاجارلارا قارشي قالديريلان قييامين نه مقصد داشيديغي هاقدا يئنيدن دوشونمک لازيمدير.
قاجارلار دئوريلسه ده، شاهليق اوسول-ايداره سي و اؤلکه ده حؤکم سورن سياسي و ايجتيماعي سيستئم دييشمه دي و دييشه ده بيلمزدي، اونا گؤره کي، مشروطه چيلرين هاي-کويونه باخماياراق، توپلومو ترققييه دوغرو آپاراجاق هئچ بير ايقتيصادي، ايجتيماعي ايصلاحات پروقراملاري و سياسي آلتئرناتيولري يوخ ايدي.
مشروطه هرکاتي نين باريتيني دولدورانلارين مقصدي تورک قاجار سولاله سيني دئويريب فارسلاري حاکيميته گتيرمک ايدي. فارس، روس و انگليس فيتنه سي ايله آلوولانان بو “اينقيلاب” تورک سولاله لري نين ۱۰۰۰ ايلليک حاکيميتينه سون قويدو و آذربايجان ميلتيني فارسلارين الينده اسير ائتدي.
بو هاقدا آذربايجانين دؤورو متبوعاتيندا، او سيرادان ملا نصرالدين قزئتينده يازيلار دا چاپ اولونوب. ملا نصرالدين قزئتي بير سايي نين باشليغيندا يازيردي : ” دئمه لي مقصد قاجارلاري دئويرمکميش ” .
فيتنه کارلارين مقصديني باشا دوشمه يه ن هرکاتچي مشروطه چيلر اؤز اليميزله اؤزوموزه هله ده چيخا بيلمه ديگيميز قويو قازدي. مشروطه فيتنه سيني او قدر مهارتله ايشله ميشلر کي، ۱۰۰ ايل کئچندن سونرادا بو سؤزلري دئينده چوخلارينا باش گيجللنمه سي گتيرير.
بو گونه قدر مشروطه ” فيتنه سي ” هاقدا يازيلانلار سادجه حاديثه لرين آرديجيلليقلا تصويري و سوبيئکتيو کاراکتئر داشييان قهرمانليق داستانلاريدير. بو هرکات ماهيت اعتيباري ايله تهليل اولونماميش و سياسي جهتدن قييمتلنديريلمه ميشدير. قيساجا اونو دئييم کي، مشروطه چيلرين ايستکلري آذربايجان توپلومونون گئرچکليکلريني عکس ائتديرمير و رئالليق اوزرينده قورولماميشدي. هئچ بير سياسي نظريييه و يئرلي پروقراملاري يوخ ايدي. مشروطه چيلرين ايره لي سوردويو فيکيرلر ايرانين و آذربايجانين يئرلي شرايطي ايله اوزلاشمايان آوروپا يازيلاريندان کؤچورولموشدو. اونا گؤره ده ياراتديقلاري پارلامئنت پاريس کومونون خاطيرلاديردي و پارلامئنتدن چوخ همکارلار بيرليگينه اوخشاييردي.
XIX عصرين سونو و XX عصرين اوللرينده روسيه دا چئشيدلي آدلارلا چاليشان تئررورجو قروپلار، او سيرادان باکوني نين طرفدارلاري، استالينين سيلاهداشلاري و باشقا آنارشيست قروپلار اينقيلابچي آدي ايله آذربايجانا توپلاشدي. تبريز محلله قوچولاري نين قافقاز بومبا آتانلاري ايله البيرليگي، تبريزي دؤولتچيليگيميزه قارشي ووروشان تخريباتچيلارين فيتنه يوواسينا چئويردي. آيت الله مازاندرانيدن توتموش حيدر عموغلو کيمي آنارشيستلري بيرلشديرن بو هرکاتين ماهيتي اونون ماهيتسيزليگينده دير.
مشروطه اينقيلابي قاليب گلندن سونرا مازندرانلي محمد وليخان ( سپهدار ) صدراعظم اولدو. مشروطه چيلردن و اونون طرفدارلاريندان سوروشماق لازيمدير آذربايجانليلار بونون اوچونمو دؤيوشوردو و شهيد اولوردو ؟
نظره آلساق کي، ستارخان محض ، مشروطه هرکاتي قاليب گلندن سونرا وورولدو، اوندا بو قاليبيتين نه دئمک اولدوغو آيدينلاشار.
ديزيندن يارالانميش ستارخان خسته خانادا اولارکن ايچ ايشلر وزيري قوام ستار خانين گؤروشونه گئدير. قوام ستار خاندان آيريلارکن اونون قولاغينا دئيير : ” آقاي ستار خان ائله بيليردين کي، من ده محمد علي شاهام ” . ستار خان دئيير کي، ” عؤمرومده بوندان آغير سؤز ائشيتمه ميشديم ” .
آما آرتيق گئج ايدي. اونا گؤره کي، مشروطه ” قاليب ” گلميشدي. قاجار شاهي اؤلکه ني ترک ائتميشدي. مازاندرانلي سپهبد صدراعظم اولموشدو. داها نه ستار خانا و نه ده اونون موجاهيدلرينه احتيياج يوخ ايدي. ستارخانين قافقازلي موجاهيدلري آجيندان اؤلور و آرتيق تبريزده ديلنچيليک ائديرديلر. سهو سيياست يورودنلرين طالعيي بئله اولور. بو آذربايجانين قلبه سي يوخ، فلاکتي ايدي. بو فلاکتين کؤکونو حربي مغلوبيتده دئييل، يورودولن سهو سيياستده آختارماق لازيمدير.
فيتنه آدلانديرديغيم بو هرکاتين نتيجه سي آذربايجان اوچون چوخ آجيناجاقلي اولدو. آذربايجان ميلتي نين مينيلليک حاکيميتينه سون قويدو و اوسته ليک، هيتلئر فاشيزمي نظريييه سي اوزرينده فورمالاشميش فارس فاشيستلري نين حاکيميته گلمه سينه شرايت ياراتدي.
قاجارلارين سونونجو شاهي اؤلکه ني ترک ائتمه يه مجبور اولدو و فارس فاشيستلري نين اوزون ايللردن بري گؤزله ديگي گون و فورصت يئتيشدي.
بو فورصتدن ايستيفاده ائدن محمد قوام الملک ، شوکت الملک و باشقا فارس طايفا باشچيلاري سياسي حاکيميتي اله کئچيرتمک اوچون خاريجي قوووه لرين يارديمي ايله تورکلره قارشي هوجوما کئچديلر.
بو گون قارشي-قارشييا دايانديغيميز دوشمن احمد قوام السلطنه دؤوروندن باشلاميش، رضا شاه و احمدي نژادا قدر فيتنه کار عؤمور سوروب، سياسي ريياکارليقدا پئشکار کادرلار حاضيرلاييب، ايسلام دي نين عيرقچي ايدئولوژياسينا اؤرتوک ائديب، محمد پئيغمبرين آديندان حديث اويدوروب، بير سؤزله داها فيتنه کار اولوب.
احمد قوامدان احمدي نژادا قدر دوام ائدن حاکيميت، آدلار و آداملار دييشسه ده ماهيت اعتيباري ايله فارس عيرقچي نظريييه سي اوزرينده قورولان فارس فاشيزميدير.
بونون اوچون بيز ايران ايسلام جومهوريتي نين ماهيتيني تهليل ائدنده اونوتماماليييق کي، آنتي تورک چولوک بونلارين اساس گؤستريجيلريندن بيريدير. بونلار يالنيز تورکلرين دئييل، بلکه اؤلکه ده ياشايان و فارس اولمايان بوتون ميلتلري نين باريشماز دوشمنيدير.
آذربايجان ميلتي نين چاغداش ميللي دئموکراتيک موباريزه سي قئيد ائتديگيم خوصوصيتلره ماليک، اؤلکه نين ايچينده و ديشيندا بيرلشميش ضيدي تورک، فارس فاشيستلرينه قارشيدير. يوزيلليک حاکيميت، ايداره چيليک و تبليغات تجروبه سي اولان دوشمن گوجلو، تجروبه لي و عئيني زاماندا تدبيرليدير. دؤولت قوروملاريني اله کئچيرميش، کيفايت قدر پئشکار ضيدي تورک تشکيلاتلاري، کادرلاري و ايدئولوقلاري اولان فارس هؤکومتي ايله موباريزه ائتمک آسان ايش دئييل.
مشروطه کيمي فيتنه هرکاتلارين قهرمانليق دالغاسيندا مورگوليه رک، آرخايين اولماق اولماز. موباريزه ميزين قلبه سي نين قارانتي دوشمنين يئني فيتنکار پلانلاريني اؤيرنمک و اونون تله سينه دوشمه مکدير.
فارسلار حاکيميته گلندن سونرا فورصت دوشن کيمي اوزريميزه يئريميشلر. آغير ايتکيلره معروض قالديق، لاکين ديزدن دوشمه ديک. بئله آغير بير دورومدا موجررد دئييل، موکممل فيکيرلشمک لازيمدير و ايلک اؤنجه جيدي نظري موباحيسه لر آچماقلا ياناشي، تشکيلاتلانمالي و ميلتيميزي قورتاراجاق پلان و پروقرام اوزرينده ايشلمه ليگيک.
بو موباريزه ده سادجه هاراي دئييب قوچاقليق، قهرمانليق، ايگيدليک و باشقا سوبيئکتيو آنلاييشلارلا يولا چيخماق و دؤيوشه گئتمک اولماز. ايره ليگه آتيلان هر بير آدديم اؤلچولوب-بيچيلمه لي و ايستمه ديگيميز هر بير شئيين يئرينه آلتئرناتيويميز اولماليدير. مشروطه دؤورو سهو ائتديک ۱۰۰ ايلدير آلتين چکيريک.
ايران فارس رئژيمينه ياناشما طرزي !
ايران ايسلام جومهوريتي آدي ايله چيخيش ائدن فارس عيرقچيلرينه ايکي جور ياناشما طرزي وار :۱. ايصلاحاتچي و۲. دئوريمچي کيمي ! (اينقيلاب)
بيرينجي بؤلمه يه آيد دئمه لييم کي، ايرانا حاکيم رئژيمين ماهيتينه وارساق، بئله بير نتيجه يه گه لريک کي، بو رئژيم هر ساهه ده ايصلاحات ائتسه ده، فارس اولمايان ميلتلره اؤزلليکله تورکلره هئچ نه وئرميه جک. بيزدن فرقلي اولاراق فارسلار تاريخي ياخشي بيلير. اونلار دفعه لرله بؤيوک سرکرده و تورک شاهي آغا محمد شاه قاجارلا ظنيييه نين داعواسي نين ماهيتي ندن عيبارت اولدوغونو گؤتور-قوي ائتميشلر. اونلار اونو دا بيلير کي، بو گون ده حاقيندا کيتابلار يازديقلاري و اميرکبير لقبي وئرديکلري فارس عنصورونون ناصرالدين شاها قارشي سوي-قصد جهدينده مقصدي ندن عيبارت ايدي.
” تاريخ بويو سياسي حاکيميت اوغروندا موباريزه آپارميش و ياغلا سو کيمي هئچ واخت بير-بيرينه قاريشماميش فارس و تورک ميلتي نين سياسي حاکيميت اوغروندا موباريزه سي دوام ائدير.
کئچميشدن فرقلي اولاراق بو گون بو موباريزه نين ايستيقامتي ميللي موستقيل دؤولت قورماق يؤنونده دييشه ده بيلر. بو گون بو مسئله لرين طرفيميزدن داها چوخ دارتيشماسي نين ندني تاريخيميزدن خبرسيز اولماغيميزدير. بوتؤولوده دئمه لييم کي، تاريخيميزي اؤزوموز يازماميشيق. بيزيم تاريخ فارس سونگوسو آلتيندا تهريف ائديلميش، ترسه يوزولموش و ساختالاشديريلميشدير. تاريخيميزي اؤزوموز يازماساق و باش وئرنلري اولدوغو کيمي آراشديرماساق، يول وئرديگيميز سهولري آختاريب تاپماساق يئنه يئنيله جگيک. بو ايشلرين گؤرولمه سي چاغداش موباريزه ميزده فارس رئژيمي ايله نئجه داوراناجاغيميز اوچون بؤيوک اؤنم داشييير.
فارسلار اؤز گوجونو و سون ضربه سيني بيزيم تاريخ بويو يول وئرديگيميز سهولر اوزرينده توپلايير و هميشه ده قاليب گلير.
چاغداش ميللي سياسي موباريزه هرکاتيميزدا چاتيشمايان بو ايشلر گؤرولمه سه ايصلاحات يولو ايله هئچ بير نتيجه الده ائتميه جگيک.
ايکينجي بؤلوم، يني دئوريم يولو ايله بو رئژيمي دئويرمه يه گوجوموز چاتماز. بونون ايکي اساس سببي وار.
بيرينجي سبب ايران رئژيمي نين ماهيتيندن ايره لي گلن عاميلدير. بئله کي، فارس رئژيمي نين گوجلو سوسيال بازاسي وار. اگر ، مممدرزا شاه دؤورونده اؤلکه نين سروتيندن بحرلنمک و دؤولتين ايمکانلاريني منيمسمکده ” ۱۰۰ خانئوار ” (۱۰۰ عاييله ) ايفاده سي ايشله ديليرديسه، ايران ايسلام جومهوريتي بو رقمي ميليونلارا چاتديرميشدير. ايران رئژيمي اؤلکه اهاليسي نين تخمينن اوچده-بيريني موختليف يوللارلا او سيرادان شهيد عاييله سي، بسيج، پاسدار و باشقا سوسيال قروپلار قيسمينده ” ايمتييازلي ” عاييله يه چئويرميشدير. بونونلا دا، فارس رئژيملري طرفيندن بير قارين چؤره يه مؤحتاج ائديلن زاواللي اينسانلار اؤزلري ده ايستمه دن رئژيمين قوللوقچوسونا چئوريلميشلر بو رئژيمين وارليغيندان آسيلي وضعيته دوشموشلر. بو معنادا، ايران ايسلام فارس رئژيمي نين سوسيال بازاسي، فارس پهلوي رئژيمي نين سوسيال بازاسيندان خئيلي چوخدور.
فارس رئژيمي فارسلار ياشايان بؤلگه لرده ايش يئرلري آچير و اهالي نين ايجتيماي حياتيني تمين ائدير. فارس اولمايان بؤلگه لرده ايسه ايشسيزليک و کاسيبچيليق اينسانلاري رسمي و غئيري رسمي گوج اورقانلارينا و کوتلوي سيلاهلي دوشرگه لره سوروکله يير. ايران ايراق ساواشيندا آذربايجانليلارين کوتلوي شکيلده قيريلماسي نين سببي بو ايدي. بو جور عئيبه جر باغلارلا رئژيمه باغلانان اينسانلار ايکي قات کؤله حياتي ياشايير. فارس رئژيمي بو حيله گر سيياستي ايله بير چوخ اينسانلاري اؤز طرفينه چکه بيلميشدير.
ايکينجي عاميل يوخاريدا يازديغيم، آذربايجان چاغداش ميللي هرکاتي نين چاتيشمايان جهتلريدير. قئيد ائتديگيم کيمي، ۱۰۰ ايله ياخيندير کي، بوتون دؤولت ايمکانلاريندان محروم اولموشوق و اوسته ليک اوزريميزه آغير باسقيلار و هوجوملار دا ائديلميشدير. ۱۰۰ ايلليک تاريخيميز بئله يازيلماميش و تهليل ائديلمه ميشدير. ميللي ديليميز ياساق ائديلميش و نتيجه ده ميللي ادبياتيميز فورمالاشماميشدير. ميللي تاريخ و ادبيات اولماسا ميللي سياسي نظريييه يارانماز. بوتون بونلار بو گون ده گؤروله سي ايش کيمي گوندمده دير. بو ايشلر گؤرولمه سه هرکاتيميز اوغور قازانماز.
چاغداش ميللي هرکاتيميزدا چاتيشمايان عاميللرين هاميسيني سادالاماسام دا اونو دئييم کي، آز ايشله ميشيک فورصتلري فوتا وئرميشيک. دوزدور، بورادا بيزدن آسيلي اولمايان و تؤره ديلن مانعه لرين ده رولو بؤيوکدور، آما، ديل و ادبياتيميزين اؤيره نيلمه سينده يول وئريلن سهلنکارليق جيدي نؤقساندير. قوزئي آذربايجاندا اولان بؤيوک ديلچيليک و ادبي ياراديجيليق ايمکانلاريندان فايدالانماق ايمکانيميز وار. يئرلي ياراديجيليقلا ياناشي، قوزئيده يازيلان شعر، هئکايه و رومانلاري عرب اليفباسينا دا چئويره سي اولساق بو ايشي گؤرمه ليگيک.
ميلت اؤز کيمليگيني تاريخينده و ميللي ادبياتيندا تاپماليدير. دؤيوش مئيدانلاري نين قلبه يولو رومانلارين صحيفه سينده واراقلانير. عکس حالدا، الده ائديلن قلبه ني ساخلاماق مومکون اولماز.
نه ائتمه ليگيک ؟
عومومي خاراکتئر داشييان بو ايشلريميزله ياناشي، موباريزه ميزين گونده ليگينده اولان ان اؤنملي ايشلري قئيد ائتمک ايسترديم :
۱. آنا ديلينده يازماليييق.
موباريزه دن مقصديميز، آزاد، موستقيل، سوسيال تامينات، اؤلکه نين ماددي و معنوي ثروتلرينه صاحيب چيخماق، ميللي موستقيل سيياست يوروده رک ميلتيميزين آزاد، خوشبخت و سربست ياشاماسي اوچون پوتئنسيال ايمکانلاريني اوزه چيخارتماقدير. بوتون بونلارا نايل اولماق اوچون اؤز ديليميزده دوشونمه لي و اؤز ديليميزده يازماليييق.
آذربايجان تشکيلاتلاري آدي ايله چيخيش ائديب فارسجا يازانلار ميللي تشکيلات دئييللر. اونا گؤره کي، ياد ديلده دوشونوب يازانلار دوشوندوکلري و يازديقلاري ديلين آلتئرناتيويديرلر. لاکين دئموکرات اولدوقلاري اوچون، ياد ديلده ده اولسا بيزيم حاقيميزي دا مودافيعه ائديرلر.
۲. آذربايجان ميللي دئموکراتيک هرکاتي نين دينج و مدني هرکات اولدوغونو واز کئچيلمز پرينسيپ کيمي قبول ائتمه ليگيک.
ائلان ائتديگيميز بو پرينسيپلر موباريزه ميزه باشقا آد قويانلارين فيتنه سينه سون قوياجاقدير. و هرکاتيميزي احتيمال اولونان تخريبات و تخريباتچيلارين جايناغيندان قورتاراجاقدير.
بوتون تزييق و هاقسيزليقلارا باخماياراق ميللي هرکاتين ميللي، مدني و دينج يوللا دوام ائده جگينه چاليشمالي و بوندا ايصرارلي اولماليييق. موباريزه ميز اؤلکه و اولوسلار آراسي قانونلار چرچيوه سينده دوام ائتمه ليدير. ايستگيميزي تمين و ايفاده ائتمه ين قانونلارين دييشديريلمه سينده ده قانوني يوللاردان ايستيفاده ائتمه ليگيک.
۳. دوشمنلريميز طرفيندن تؤره ديلن تخريباتلارا قارشي آييق اولمالي و واختيندا مؤوقع بيلديرمه ليگيک.
ايسلام بويالي فارس فاشيستلري بيزي دينج موباريزه ايمکانلاريندان محروم ائتمک اوچون آذربايجانليلار آديندان تخريباتلار تؤرده جک، سيرالاريميزا گيريب راديکال شوعاعرلارلا بيزي واختي چاتماميش و منافعييميزه اويغون اولمايان تدبيرلره ال آتماغا تهريک ائتمه يه جان آتاجاقلار. ايره لي سورولن راديکال شوعاعرلار دوشمن حيله سي ده اولا بيلر.
۴. ايره لي سورولن بوتون شوعاعرلارا آيدينليق گتيره رک دوشمنين ترسه يوزمالارينا شرايط ياراديلماماليدير.
ميثال اوچون ” آذربايجان بير اولسون مرکزي تبريز اولسون ” کيمي شوعاعرلار، فارس فاشيستلري طرفيندن ترسه يوزولاراق ايچ و ديش توپلوملاري چاشديرير. بو شوعاعردان مقصد گونئي آذربايجانين پارچالانميش عيالتلري نين بيرلشمه سيدير.
مسئله يه آيدينليق گتيرمک اوچون دئمه لييم کي، بيرلشمک پارچالانميش بوتون ميلتلر کيمي آذربايجان ميلتي نين ده حاقيدير. آما ايکي آذربايجانين بيرلشمه سي بو گون بيزيم سياسي گونده ليگيميزده دئييل. بير نئچه غئيري سياسي ايجتيماعي قوروملاردان باشقا گونئي آذربايجانين هئچ بير سياسي تشکيلاتي بو مسئله ني اؤز مقصدي ائلان ائتمه ييب. تک-تک آداملارين ايره لي سوردويو شوعاعرلار ايسه، شخصي آرزولارين ايفاده سي کيمي ديرلنديريلمه ليدير.
۵. تاريخيميزه اوبيئکتيو ياناشماليييق. يئرسيز و کورتبيي (؟) تعصب تاريخي حاقيقتلري اؤرت-باسدير ائدر.
نظره آلماليييق کي، تاريخي شخصيتلريميز اؤز دؤورلري نين قهرمانلاريدير. اونلارين دئديکلري ياشاديقلاري دؤورون شرايطينه اويغون دئييلميشدير. واختي ايله تاريخي شخصيتلر طرفيندن دئييلميش شوعاعرلارين ايجراسي بو گون مومکون دئييل.
قهرمان ياراديب اونون آردينجا يورومک بيزي قورتارماز. چاغداش موباريزه ميزين پروبلئملريني چاغداش نسيل اؤزو موزاکيره ائتمه لي و چيخيش يولو تاپماليدير.
تاريخي شخصيتلريميز بو گونون پروبلئملري نين هللي اوچون بيزه حاضير نوسخه يازيب گئتمه ميشلر. بو گونون اؤز دردي و اؤز سؤزو وار، گونون سؤزونو، گونون اينسانلاري دئمه ليدير.
فارس رئژيمي نين تاکتيکاسي !
ايران ايسلام جومهوريتي بو گونه قدر ايشلتديگي داغيديجي تدبيرلرينده تاماميله اوغور قازانميشدير. ۹۰-اينجي ايللر ايراندا “يئني ديني تفککور” ، “طلبه” و باشقا سياسي-ايجتيماي جريانلار فورمالاشميشدي. بو گون بو جريانلاردان اثر-علامت قالماييب. بو جريانلارين داغيديلماسيندا، ” ايسلام ” آديندان دانيشان رفسنجاني ايله، “مردم” (خالق ) آديندان دانيشان خاتمي نين “خيدمتي” ياناشي دورور.
اؤنجه رفسنجاني يئني جريانلارين نظريييه سيني ايشله ين و اونا باشچيليق ائدنلري “قتلهاي زنجيره اي” ( آرديجيل قتللر ) عملياتيندا تئررور ائتدي، سونرا خاتمي باشسيز قالميش جريانا دستک آدي ايله طلبه لري کوچه لره چکه رک آکتيولري تانيدي و سون آدي چکيلن جريانلاري ” مدني ” شکيلده سيرادان چيخارتدي.
بو تهلوکه چاغداش آذربايجان هرکاتيني دا حدله يير. هرکاتين اؤنجوللريني تانيييب سيرادان چيخارتماق فارس رئژيمي نين بيزه قارشي تداروک گؤردويو تدبيرلردن بيريدير. هرکاتي اون ايللر عرضينده يئتيشميش، آز-چوخ تجروبه الده ائتميش، اؤلکه نين ايچ و ديش قوووه لري ايله ايليشگيلر قورموش کادرلاردان محروم ائتمک هرکاتا جيدي ضربه وورا بيلر.
فارس رئژيمي آکتيو اينسانلاري تانيماق اوچون موطلق تدبيرلر پلاني حاضيرلاياجاق حتّی ساختا اعتيراض آکسييالاري دا دوزنله يه بيلر. فارس فاشيستلري نين تله لرينه دوشمه مک اوچون هر هانسي ايشده بوتون واريانتلار نظردن کئچيريلمه ليدير.
کسکين سياسي تدبيرلرين کئچيريلمه سي ايمکانسيز اولدوغو اوچون، تاريخيميزي، ديليميزي و ادبياتيميزي اؤيره نيلمه ليگيک. بونون اوچون، ميللي ادبي و مدني درنکلرين ياراديلماسي ان جيدي ” سياسي ” تدبيردير.
۲۱/۰۶/۲۰۰۷(يازي اؤزل اولاراق [1] باي بک اؤچون لاتيندن کؤچورولوب)
http://www.11007.baybak.com/?p=1540